يا مجدليّا..
الشاعر بحضنك رِبِي
تفتَّق شعر عَ شْفايفُو..
وبعدو صبي
الشين..
شاعر عانق نجوم السّما
والراء..
ربّان الشعر والموهبِه
والباء..
باني صرح للشعر الندي
وطار الشعر لفوق أعلى مرتبه
واللام..
ليل نهار بمْواسم شقا
يفرّق غْناني حدّ هاك المصطبه
والباء..
باني الحقّ تا يركّع ظلـم
والعين..
عرّاب الأرز.. قومي اخطبي
والياء..
ينبوع العيون الظامئة
الـ قللاّ: تعي من شعر وجداني اشربي
والنون..
ناقوس الهجر تا يرجعوا
يصلّوا سوا بلبنان..
لبنان الأبي
والياء..
يعمي الحقد..
يحرق هَـ الوحوش
يفقي بمخلب حرّ .. عينين الغبي
شربل..
يا شربل..
لا تقول: بغربتي
معذّب،
الغربه كتير قلبي معذّبِه
ومصلوب من شوقي انا ع ضيعتي
اللي تركت امي
واخوتي
فيها
وأبي
جبران
ما حلّق بشعرو ولا سَما
لولا الهجر..
لولا الموت الخلّبي
وقديش نادى بالفرح
رغم الأسى
قومي يهود الحقد جبران اصلبي
يا طيور ربّي
من القلب لا تهربي
ويا شمس حبّي
من السما لا تغربي
مات الأمل،
مات الفرح،
مات الندى
تا ولد من جبران.. جبران النبي
صدى لبنان، العدد 686، 20 آذار 1990
**
