ـ1ـ
يا شربل.. نبزو وجرّوج
حبّوا هالإنسانيه
اللي فيها شعرك ممزوج
وكلاّ رقّه وحنيّه
ـ2ـ
صوتك، يا شاعرنا، حرّ
إنت لسان الحريّه
وفي عندك كامل المرّ
مشوارو أحلى هديّه
ـ3ـ
وشو منقول لهالأحباب
عن كلارك البعيني
من سلسلتو كل كتاب
أحلى زهره بجنينه
ـ4ـ
وأما زهير الباشا
سافر عَ مواج النيّه
كل عمرو بيْك وباشا
سآل عنّو الأبجديّه
ـ5ـ
وبالدراسه الـ فيها اعتزّ
قدّم صوره قويّه
عن شاعرنا إبن الأرز
الـ عاش بغربه منسيّه
ـ6ـ
ونعمان الشامخ ع طول
كان قدّ المسؤوليّه
بقبسات المهجر بيقول:
أرضي خصبه وغنيّه
ـ7ـ
رح إبقى ناطر عَ الدرب
بقبساتي المهجريّه
ونحنا منقلّو: يا حرب
كتابك أحسن من ميّه
ـ7ـ
يا شربل.. نبزو وجرّوج
بيهدولك هالتحيّه
لتراث الأرض المنسوج
بالرابطه الأخويّه
ـ8ـ
تا تحيوا تراث الأمّه
بروح الكلمه الأبيّه
أللـه يخلّي هالهمّه
للأمّه العربيّه
صدى لبنان، العدد 678، 13/2/1990
**
